Policia e Tiranës ka përjashtuar mundësinë që ish - Drejtori i Policisë së Vlorës, Artan Cuku, të ketë qëlluar me armë në momentin e vrasjes.<br /><br />Në këtë konkluzion grupi hetimor ka arritur pas marrjes së përgjigjes së ekspertizës të kryer në duart e ish ?zyrtarit të lartë.<br /><br />Nga ekzaminimet shkencore nuk janë gjetur mbetje baruti, të cilat ngelën në dorë në rastet e qitjeve.<br /><br />Gjurmë të tilla janë konstatuar vetëm në vendet, ku ai ka patur plagë.<br /><br />Sipas ekspertëve mjeko ligjorë, Artan Cuku është qëlluar me 4 plumba, 1 pas shpine, 2 në kokë dhe 1 në anën e djathtë.<br /><br />Në vendin e ngjarjes janë gjetur 7 gëzhoja, 5 të kalibrit 7.65 milimetër dhe 2 të kalibrit 9 milimetër.<br /><br />Përgjigjet e ekspertizës shkencore kanë hedhur poshtë versionin e deritanishëm, sipas të cilit Cuku t?i ishte përgjigjur me armë atentatorit dhe ka shtuar dyshimet se kanë qenë dy persona që kanë qëlluar mbi 42 ? vjeçarin.<br /><br />Të afërm të viktimës kanë treguar në polici se ai nuk mbante armë, pasi nuk ndihej i kërcënuar.<br /><br />Në vendin e ngjarjes policia nuk gjeti asnjë nga armët e përdorura në atentat.<br /><br />Banorë të pallatit dhe të bizneseve aty pranë kanë dëshmuar në polici se kanë parë dy persona të dyshimtë para vrasjes së ish ?zyrtarit të lartë të policisë.<br /><br />Grupi hetimor dyshon se ata mund të kenë qenë vrasës me pagesë.<br /><br />Tv Klan
